"Radio Buguina" na xornada "Mar e Ferro"

Algunhas imaxes da intervención de "Radio Buguina" na xornada "Mar e Ferro" do 30 aniversario de Radio Fene, xornada celebrada con poesía recitada e coa pintura de murais nas rúas do barrio das vivendas de San Valentín de Fene.

Convidada pola radio municipal, Radio Buguina forneceu o título da xornada e contribuíu tamén presentando o filme "Carga de dignidade", acto que recollen as imaxes no CPS San Valentín. Nesta ocasión, o Filme estivo presentado por Pepe Galán, Pepe Barro e Ánxo Varela, que se comprometeron oficialmente a convidar a Radio Fene ao 30 aniversario de Radio Buguina.



Debuxo realizado por unha nena pequena, que foi presentado ao concurso da xornada "Mar e ferro", que ,como se pode ver, inclúe unha referencia moi explícita á reixa da dignidade.

XA ESTÁ NA REDE O FILME "CARGA DE DIGNIDADE"

Filme de 27 minutos de duración, realizado por Xosé Bocixa.

"Carga de dignidade" en Vigo

O pasado venres, 31 de xaneiro, ás 20:30 h., no local da A C Bou Eva, proxectouse por primeira vez na cidade de Vigo, o filme de Xosé Bocixa, "Carga de dignidade".

Intervención musical de Xurxo Souto na presentación do documental 'Carga de dignidade'

Vídeo cortesía da compañeira Rocío Castro

Presentación do Filme "Carga de dignidade", en Compostela

O venres, 17 de xaneiro, ás 20:00 h. na Casa das Crechas, de Santiago de Compostela, tivo lugar a presentación do Filme "Carga de Dignidade" de Xosé Bocixa. Neste programa en directo de Radio Buguina,coa participación do escritor Suso de Toro, o polifacético Xurxo Souto, o escultor Pepe Galán, o profesor Anxo Varela e o deseñador Pepe Barro.


Deixámosvos varias ligazóns do recollido nos medios, tamén podedes acceder a estes e outros, na parte superior do blogue, na pestana "Prensa"

https://drive.google.com/file/d/0B3TTMFibsMw9ZzdLNlVrdzgwYTQ/edit?usp=sharing

https://drive.google.com/file/d/0B3TTMFibsMw9TGttS3MxRkxkcGc/edit?usp=sharing

http://tendencias.galiciaconfidencial.com/nova/17266.html

http://praza.com/movementos-sociais/6303/o-naval-foi-a-primeira-vitima-pero-agora-venen-empresa-por-empresa-casa-por-casa-por-toda-a-cidadania/

Presentación do Filme "Carga de dignidade", en Betanzos

O pasado sábado, 4 de xaneiro, ante unha sala abarrotada de xente, tivo lugar unha nova emisión ao vivo de Radio Buguina na libraría Biblos, en Betanzos. Outra vez sonou o rouco son da nosa buguina para presentar o Filme "Carga de Dignidade", de Xosé Bocixa.

(Foto cedida por Tucho)

(Foto cedida por Tucho)

(Foto cedida por Tucho)

Resumo da presentación de "Carga de dignidade", nas Portas ártabras da Coruña

Velái unhas fotos que resumen a emisión ao vivo de Radio Buguina para presentar Carga de dignidade, nas Portas Ártabras da Coruña, o pasado venres 27 de decembro de 2013

Co rouco son da buguina, arrancaba nas Portas Ártabras da Coruña, ante un público que enchía a sala, a presentación do Filme "Carga de Dignidade", de Xosé Bocixa.

O inigualable Xurxo Souto, cantou o clásico "Embarcamos na Coruña para ir para o Ferrole".

Houbo unha intervención telefónica en directo con de Ignacio Nabeiras, presidente do comité de empresa de Navantia, intre no que Xosé Bocixa despregaba a bandeira "Ferrolterra Esixe Solucións".